Tour Lezarmeur

Teulioù

Fellout a ra deoc'h c'hoari un tammig ? Deuit amañ da bellgargañ reolennoù c'hoarioù-roll ha stroll e brezhouneg !

• C'hoariomp !

Geriaoueg

N'och ket sur penaos treiñ reolennoù Dinoù ⁊ Erevent d'ar brezhouneg ? Marteze e c'hellomp ho skoazell gant an afer.

• Deskomp !

Kartennoù ha bedoù Faltazi

C'hoant o peus kas hoc'h avañturerien d'ur bed nevez, met n'ho peus kartenn ebet d'hen ober ? Kudenn ebet ! Kartennoù hor beus-ni evidoc'h.

• Beajomp !

Darempredoù

Ma fell deoc'h bezañ e darempred ganeomp, n'ho peus nemet kas ur mesaj deomp gant ur vran, pe gant furmskrid al lec'hienn-mañ.

• Kaozeomp !

• C'hoarioù-roll Faltazi

• Candela Obscura

• C'hoarioù-roll all

• A bep seurt

• Urioù bihan ar Reolennoù. Un urioù gant ar reolennoù berr-ha-berr, gouizidigezh diwar-benn bed Candela Obscura, hag un istor da goumañs gant ar c'hoari.

Urioù Bihan ar Reolennoù
N'eo ket bet troet c'hoazh.

• Follenn-heñchañ. Ur follennig gant referañsoù dre-vras evit ar reolennoù.

Follenn-heñchañ
E brezhoneg hepdale
E galleg amañ
E gouezeleg-Skos amañ

• Tudennoù Prest da Implijañ. Savet eo bet ar 5 tudenn-se evit koumañs da c'hoari buan p'emeur o c'hortoz doc'h ar reolennoù a-bezh.

Tudennoù Prest da Implijañ
E brezhoneg hepdale
E galleg amañ
E gouezeleg-Skos amañ

• Fichenn Kelc'h. Labourat a ra tudennoù Candela Obscura asambles en ur C'helc'h, da lavaret eo ur skipailh tud a glask kompren kevrinoù ar bed. Klaskit ar fichenn wenn-mañ da heuliañ skiant-prenet ha labour ho Kelc'h.

Fichenn Kelc'h
E brezhoneg hepdale
E galleg amañ
E gouezeleg-Skos amañ

• Fichenn Dudenn. D'an ampoent n'eo ket bet embannet reolennoù da grouiñ tudennoù nevez-flamm, met krouet hor beus ur fichenn wenn da sevel un dudenn nevez ha personaelet alato.

Fichenn Dudenn
E brezhoneg amañ
E galleg amañ
E gouezeleg-Skos amañ

• UR MEL AFER. Troet eo bet Ur Mel Afer diwar labour Grant Howitt, Honey Heist. En Ur Mel Afer, emaoc’h o vont da gas da benn ar vrasañ laerezh zo bet gwelet biskoazh. Ur raktres luziet gant ur munutaj resis-kenañ ho peus. Met dreist-holl, arzhed oc'h.

Ur Mel Afer
E brezhoneg amañ
E gouezeleg Skos amañ
E galleg amañ

• TOU'N DUD ZO YANN. Troet eo bet Tou'n Dud zo Yann diwar ar c'hoari-roll mil-vrudet gant Michael B. Sullivan, Everyone is John. E Tou'n Dud zo Yann e c'hoariot mouezhioù e penn Yann, ar paotr drochañ er vro. Ret e vo deoc'h dont a benn d'ho sorc'hennoù a-raok ar mouezhioù all. Met diwallit : foll penn-da-benn eo Yann, ha ne vo ket eas heñchañ ar paour kaezh inosañt.

Tou'n Dud zo Yann
E brezhoneg amañ
E gouezeleg Skos amañ
E galleg amañ

• DIGOUMET. Sed amañ ur c'hoari mil-vrudet savet gant Michael "Epoch" Sullivan ha Jeffrey Grant : All Outta Bubblegum. Er c'hoari-roll-mañ ho po 8 goum az aio da get tamm-ha-tamm. Ha pa viot hep goum ebet, ez aio ar jeu da fall !

Digoumet
E brezhoneg amañ
E gouezeleg Skos amañ
E galleg amañ

• IMPLIJ' A RAN VA BOUC'HAL. Troet eo bet ar c'hoari-se diwar I Hit It With My Axe gant Brian Engard. Ur c'horr kreñv ha gouez oc'h, ha c'hwi war hent ar brud hag ar gloar. Ho pouc'hal hag o spered ho peus. Trawalc'h ho peus gant ho pouc'hal, e gwirionez.

Implij' a ran va bouc'hal
E brezhoneg amañ
E gouezeleg Skos amañ
E galleg amañ

• GERIAOUEG KOIOT HA BRAN. Ur c'hoari-roll skiant-faltazi (ha faltazi ivez) embannet e 2021 eo Koiot ha Bran, savet gant henvroidi Amerika eus meur a veuriad. E bed KhB n'eo c'hoarvezet biskoazh trevadenniñ Amerika, ha cheñchet o deus an henvroidi oc'h-unan-penn. Savet hor beus ur geriaoueg evit ma vo aesoc'h deoc'h c'hoari en hor yezhoù. Deskit muioc'h ha prenit ar c'hoari (e saozneg) amañ:
https://coyoteandcrow.net/NB : Lakeat hor beus ur stumm gwerc'h d'ar re a fell dezho treiñ ar c'hoari en ho yezh dezho.

Geriaoueg Koiot ha Bran
E gouezeleg Skos amañ.
Gwerc'h amañ

• ROUBLARD. Sed amañ troidigezh ar c'hoari-roll brudet ha selebret Knave (Embannad Kentañ), gant Ben Milton. Ur c'hoari-roll faltazi mod-kozh eo Roublard, tost-tre doc'h Dinoù hag Erevent evel ma ioa er penn-kentañ. Kavet a rit labourioù Ben en e lec'hienn questingblog.com pe en e chadenn Youtube Questing Beast (e saozneg o-daou).

Reolennoù Roublard
E brezhouneg - prestik
E galleg amañ

• CAIRN. Sed amañ troidigezh ur c'hoari-roll karet e-touez ar c'hoarioù mod-kozh, Cairn RPG gant Yochai Gal. Ur c'hoari-roll faltazi eo, ha gwell e vo deoc'h soñjal ha chom fur eget mont d'an emgann, rak ne vo ket gwall bell an Ankoù ! Kavout a rit muioc'h - evel ur stumm gallek - war cairnrpg.com.

Reolennoù Cairn
E gouezeleg Skos - prestik
E galleg war cairn.rpg

Fichenn Dudenn
E gouezeleg Skos amañ

• Troidigezhioù Candela Obscura

Kartenn dianv 01, da bellgargañ amañ.

Kartenn dianv 02, da bellgargañ amañ.

Iaven

Ur bed leun hud hag itrikoù politikel eo Iaven. Rannet e vez etre ar broioù-se : Rouantelezh Dehouberzh, Rouantelezh Artanez, Dukelezh Kêrsidi, Kengevred ar Voregiz (Bro-Voreg), Kontelezh Enez Doun, Dukelezh Paouglez, Rouantelezh Azoe, Aotrouniezh Inizi an Tan, Rouantelezh Korrien ar Meneglas, ha Gweglann (Bro ar Ramzed). Da bellgargañ amañ.

Teveldir

Kevrinoù a-leizh a gaver e Teveldir. Eno e kaver pemp bro bennañ : Tirada (kêrioù pennañ : Kêreon, An Nor, Porzhmelen), Rouantelezh an Inizi (kêrioù pennañ : Loc'h Sor, Aarbeg, Oulvig, Ouig), Rouantelezh Keulada (kêrioù pennañ : Innir Sil, Konkavel, Heun, Dinvaer), Kelevig (kêrioù pennañ : Dinkwez, Loktelo, Penahoat), ha Dukelezh Ravanion (ur gêr-stad tro-dro da Ravanion). Ouzhpenn d'ar broioù-se e kaver rouantelezhioù kuzh ar gorriked hag ar ramzed, dreist-holl er c'hoadoù ha dreist harzoù ar gartenn. Dañjerus e c'hell bezañ ar bed-se, rak leun ag igromañserien ha sorserien drouk eo. Da bellgargañ amañ.

Enez Prinn

N'eo an enezenn-se nemet ul lodennig deus An Glenn, ur bed kalz, kalz brasoc'h. E kreizig-kreiz al Lennvor emañ Enez Prinn, ha dindan Rouanezed Tirenor eo. Brudet eo an enezenn, dreist-holl evit he Skol-Veur, e Nerad. Eno e vez studiet kalz traoù, ha dreist-holl hud hag istor. Pinvidik eo an enezenn, gant mengleuzioù doun a gaver da skouer e-kichen Penlinn, kêrbenn ekonomikel Enez Prinn. Da bellgargañ amañ.